Sonia Tourón b                 

  •  

    Pontevedra (1979). Licenciada en Belas Artes na especialidade de Escultura (2002) e Audiovisuais (2004) pola Facultade de Belas Artes de Pontevedra (Universidade de Vigo).

    Varias bolsas e axudas permitíronlle participar en proxectos de investigación artística, tanto teórica coma práctica, entre as que destacan: estancia breve no Centro de Estudos Arnaldo Araújo (CEAA) na Escola Superior Artística do Porto, Ministerio de Ciencia e Innovación (2009); Premio Novos Valores, na especialidade de fotografía, Deputación de Pontevedra (2008); bolsa de predoutoramento de formación de profesorado universitario, Universidade de Vigo, Ministerio de Educación e Ciencia (2006); Premio de Tentaciones en Estampa, emitido pola Fundació Pilar i Joan Miró a Mallorca (2007); bolsa Séneca, Universitat Politècnica de València, Ministerio de Educación, Cultura e Deporte (2001).

    Coas súas pezas performativas participou en diferentes ciclos: Del arte femenina al arte feminista, Galería A. de Fuga, Santiago de Compostela (2012); Sujetos Emergentes, na sala Normal, A Coruña (2011); Muartech, Espazo Menosuno, Madrid; Loop’08, Festival Internacional de Videoarte, Barcelona (2008).

    Foi seleccionada para participar en diferentes exposicións como Estamos (I) Somos (+D) 2, Biblioteca do Campus de Ourense, Universidade de Vigo (2011); Coser y callar, Sala Bancaja San Miguel, Castelló (2010); VI/VII Certame Internacional de Artes Plásticas da Deputación de Ourense, Centro Cultural da Deputación de Ourense (2007/2008); Oito_artistas.gal, Facultade de Belas Artes de Pontevedra, itinerante en España e Portugal (2008/2009); X Mostra Internacional de Arte Contemporánea, Unión Fenosa, A Coruña; Novos valores, sala de exposicións do edificio Sarmiento, Deputación de Pontevedra (2008); e Tentaciones, en Estampa’07, Madrid (2007).

     

     

     

-->