María Roja b                 

  •  

     

    Lugo (1982). Performer, artista visual e actriz. Licenciada en Belas Artes pola Universidade de Vigo e en Arte Dramática pola Escola Superior de Arte Dramática (ESAD) de Galicia.

    Algunhas das súas performances foron presentadas na 29.ª Mostra Internacional de Teatro de Cangas (capela do Hospital de Cangas, Pontevedra, 2012), na Casa da Cultura de Becerreá (2011) ou no Museo de Arte Contemporánea de Castilla y León (MUSAC) (2007). Ademais, realizou accións en colaboración con outros artistas como Chiu Longina, en NÓSOMOSÒN (Espazo Normal, A Coruña, 2012) ou II Vasos Comunicantes (Vigo, 2011). Con Berio Molina, en 4 Sons Creativos (Casa do Saber, Lugo, 2012), V Encontro de Procesos de Creación Escénica (Marco, Vigo, 2012), San Dezasete (Alg-a LAB, Valadares, Vigo, 2012) e Chámalle X (Facultade de Belas Artes de Pontevedra, 2011).

    É cofundadora do colectivo áIntemperie, co que dá comezo un proxecto de procura dunha linguaxe propia situada no campo da expresión escénica experimental. Con este colectivo presenta traballos no II Encontro de Procesos de Creación Escénica (sala Nasa, Santiago de Compostela, 2011), III Festival Internacional de Poesía Experimental e de Acción (Museo Verbum, Vigo, 2011), I Vigo en Bruto (Teatro Ensalle, Vigo, 2011) e no Alg-a LAB (Valadares, Vigo, 2010). Foi membro do equipo artístico e de redacción de Núa Revista de Artes Escénicas entre os anos 2011-2012. Actualmente cursa estudos do Máster en artes escénicas que compaxina co seu labor creativo.

     

     

-->