Pere Sousa b                 

  •  

    Na década de 1990 dirixiu e editou a publicación P.O.BOX, referencia da arte postal en España. Actualmente edita a publicación 598. Creou a Factoría de Activismo Cultural Merz Mail desde a cal promoveu diversos encontros de poesía experimental, exposicións de mail art, a edición de publicacións artísticas, compilacións de poesía das vangardas históricas e recitais.

    Publicou algúns ensaios como Cronología del arte postal en España 1973-1999, Desde la poesía fonética a la poesía sonora ou Jack Bilbo y Schwitters en la isla de Man. Como editor, destacan algunhas publicacións monográficas como Tres ensayos de arte postal de John Held, Poesía experimental de Clemente Padín ou Los papeles de la huelga de arte; e como coeditor La red eterna. Realizou, durante dez anos, o programa P.O.BOX, na radio independente de Barcelona Radio Pica, especializado en poesía fonética e sonora.

    Sousa recompilou a produción poética das vangardas históricas, principalmente Dada e Merz, e participou en numerosos encontros e recitais en que, ademais de obra propia, conta cun amplo repertorio destas vangardas tanto europeas como latinoamericanas, sen esquecer a J. E. Cirlot e moi especialmente a obra de Kurt Schwitters. Impartiu seminarios sobre poesía fonética nas universidades de Tarragona, Cantabria, Euskadi e Granada.

     

     

-->